Infurmaziuns impurtantas davart l’annunzia

Disciplinas

• En tut vegnan offertas 11 disciplinas:
  buis: G300, G50, G50A, G10, G10A
  pistola: P50, P50A, P25, P25A, P10, P10A
• Per mintga disciplina sto la societad correspundenta disponer d’ina licenza en SAT-Admin. Las disciplinas cun sustegn dovran ina licenza correspundenta! Ulteriuras licenzas pon vegnir cumplettadas da tut temp en SAT-Admin, ellas cumparan suenter directamain en il portal d’annunzia.
• Las disciplinas da pistola n’èn betg cumbinadas. En mintga disciplina èsi pussaivel da cuntanscher maximalmain ina distincziun quintupla.
  Taxas

En l’annunzia online vegn mess a quint per mintga participant:a la taxa da basa per l’emprima disciplina terminada (CHF 35.00). Per mintga disciplina supplementara terminada pli tard vegn messa a quint mo pli la contribuziun da la disciplina. La determinaziun definitiva da las taxas succeda adina pir a la fin da l’empustaziun. Ils imports mussads avant èn provisorics!

Rangad:ras

Davent dals 15 da december a partir dal temp inditgà pon las rangadras ed ils rangaders vegnir reservads directamain online a maun da las persunas e da las serias annunziadas.

Cura che Vus avais tschernì tut las rangadras ed ils rangaders tenor la descripziun sutvart, pudais Vus ir sin la survista per terminar l’empustaziun.

Las rangadras ed ils rangaders inditgad:as restan reservad:as durant 48 uras; entaifer quest temp sto l’empustaziun vegnir terminada. Suenter vegnan puspè dadas libras las persunas betg reservadas definitivamain.

Per cas che Vus vulais midar las rangadras ed ils rangaders tscherni:das, datti sin la pagina d’empustaziun in champ da remartgas. Tenor pussaivladad, resguardond las reglas dal plan da tir e la disponibladad da las persunas, vegnan Voss giavischs resguardads.

Per tscherner las rangadras ed ils rangaders observai il suandant:

•  Il stan vegn adina emplenì da sanestra.
•  Pro schiba èsi pussaivel da reservar rangad.ras durant in mez di.
• Las posiziuns da start pon vegnir tschernidas a basa da l’occupaziun e dal lieu da domicil da Vossa societad (sch’il viadi d’arriv è lung, pudais Vus cumenzar pli tard).
• Rangad:ras per campiunadis G300 na pon BETG vegnir reserva:das la sonda.
• Cun tscherner in plaz da start cun rangad:ra vegn emplenì adina in mez di. La valur numerica cun las rangadras ed ils rangaders restant:as po vegnir reducida. Uschia vegn empustà mo il dumber da rangad:ras inditgà.
• Cun il buttun da stizzar vegnan mess enavos tut las rangadras ed ils rangaders tschernid:as per quest stan e quest di.
• I n’è betg necessari da reservar tut las rangadras e tut ils rangaders. En quest cas stuais Vus avant che terminar l’empustaziun confermar anc ina giada che Vus na vulais betg reservar tut las persunas rangadras.
  A dumondas davart la reservaziun da las rangadras e dals rangaders che vegnan gia tractadas cun questas infurmaziuns, na vegn betg respundì.

Annunzias per posta u per e-mail

Sco menziunà en l’orientaziun davart las formalitads d’annunzia vegnan elavuradas las annunzias che entran per posta u per e-mail cun segunda prioritad e pir suenter ils 22 da december 2025.

Per ina reservaziun prioritara da rangad:ras As annunziai per plaschair online.