«Bainvegni da cuore à Coire in Graubünden!»
Plan da tir
Pli tard chattais Vus qua ils plans da tir.
Voluntaria/voluntari
Gidai nus sco voluntaria u voluntari e sajas al puls da la FFT2026.
Segiurn
Il Grischun porscha numerusas excursiuns ed aventuras, scuvri noss chantun.
Cordial bainvegni a la Festa federala da tir 2026 Cuira I Grischun
Datas da tir
Ina da las pli grondas occurrenzas da sport svizras il 2026 ha lieu en la chapitala grischuna ed en ulteriuras regiuns! Sco stan da sajettar principal e center da la festa serva l’implant da tir sin il Rossboden a Cuira. Plinavant vegnan integrads en las festivitads ed il manaschi da tir 20 fin 25 ulteriurs implants da tir en differentas regiuns grischunas.
L’organisaziun decentrala ed uschia persistenta da la FFT2026 ha l’avantatg ch’i n’è probablamain betg necessari da prender a fit schibas temporaras u da construir edifizis supplementars. L’uniun FFT2026 indemnisescha la participaziun e l’engaschi da las societads purtadras, da funcziunarias e funcziunaris e voluntarias e voluntaris. Questas indemnisaziuns pon lura vegnir duvradas cumplettamain u parzialmain per renovar ils implants da tir existents, quai che vegn dabun a las societads da tir regiunalas. Uschia vegn garantì in ulteriur diever raschunaivel dals implants da tir.
Dis da tir uffizials durant la FFT2026
Noss dis da tir uffizials èn:
da venderdi, ils 5 da zercladur 2026 fin dumengia, ils 5 da fanadur 2026
Sin la plazza da tir principala Rossboden a Cuira vegn sajettà probablamain mintga di danor mesemna e sin tut las ulteriuras plazzas da tir mintgamai venderdi, sonda e dumengia.
Datas da tir occurrenzas spezialas
Samstag, 30. Mai 2026 | Bündner Jugendtag |
Donnerstag, 4. Juni 2026 | Eröffnungsschiessen |
Freitag, 5. Juni 2026 | Medien-, Sponsoren- und Behördenschiessen |
Freitag, 12. Juni 2026 | Akademikerwettkampf |
Samstag, 13. Juni 2026 | Offizieller Tag |
Freitag, 19. Juni 2026 | Auslandschweizertag |
Samstag, 27. Juni 2026 | Jungschützenwettkampf |
Freitag/Samstag, 3./4. Juli 2026 | Eidgenössische Ständematche |
Sonntag, 5. Juli 2026 | Schützenkönigs- und Festsieger-Ausstiche |
Samstag, 19. September 2026 | Absenden |
An einem Montag | Armeewettkämpfe |
Di da la giuventetgna
sonda, ils 30 da matg 2026
Tir d’avertura
gievgia, ils 4 da zercladur 2026
Tir per las medias, ils sponsurs e las autoritads
venderdi, ils 5 da zercladur 2026
Concurrenzas da l’armada
glindesdi, ils 8 da zercladur 2026
Di da las Svizras e dals Svizzers a l’exteriur
venderdi, ils 12 da zercladur 2026
Di uffizial
sonda, ils 13 da zercladur 2026
Nus tschertgain sponsurs e premis
L’occurrenza gronda survegn preschientscha naziunala. Vulais Vus survegnir sco sponsur ina plattafurma cun Voss logo da fatschenta u profitar d’autras cuntraprestaziuns? Vulais Vus esser da la partida sco donatura u donatur en la tenda da premis? As infurmai en il dossier da sponsurs davart las differentas pussaivladads.
Sche Vus avais interess u dumondas As drizzai p.pl. a:
cusseglier naziunal Martin Candinas,
president dal comité d’organisaziun, Martin.Candinas@gr2026.ch
finanzas/marketing Andre.Renggli@gr2026.ch
manader dal ressort sponsuradi, Daniel.Soler@gr2026.ch
Vakant,
manader dal resort premis
secretari general, Carl.Frischknecht@gr2026.ch
Sa gidar sco voluntaria u voluntari
Nus faschain quint cun var 36’000 tiraduras e tiradurs e circa 100’000 visitadras e visitaders da la festa. Mo grazia a numerusas uras lavur voluntara èsi insumma pussaivel da realisar in’occurrenza da tala grondezza. Nizzegiai la schanza dad esser al puls da la FFT2026 cun s’engaschar en differents secturs avant, durant e suenter l’occurrenza. Persuenter offrin nus a Vus ina pussaivladad da pernottar e l’alimentaziun durant Voss engaschament.
Sche Vus avais interess u dumondas As drizzai p.pl. ad:
persunal, Esther.Hug@gr2026.ch
Organisaziun
Il comité d’organisaziun motivà cun ses president Martin Candinas sa legra gia oz sin ina Festa federala da tir 2026 Cuira I Grischun interessanta e nunemblidaivla che vegn purtada da colleghialitad.
Segiurn
Bainvegni en il Grischun! Cun sia surfatscha da 7106 kilometers quadrat è il Grischun ina plazza da gieu plain aventuras per vacanzas da famiglia e da gruppas tut aparti e segiurns nunemblidaivels en Svizra. Tranter muntognas e valladas pudais Vus giudair cuntradas da bellezza. Nossas destinaziuns e purschidas per gruppas èn uschè variantas sco Voss giavischs d’eveniments.
Pli tard vegnin nus gugent a preschentar a Vus propostas e gidar vinavant Vus tut tenor ils basegns da Vossa societad u da Vossa gruppa da viadi.
Per persunas che n’èn betg commembras d’ina societad da tir organisain nus eveniments ed excursiuns en noss bel chantun.
Pernottaziun a Cuira
Cuira porscha numerusas pussaivladads da pernottar: dad hotels simpels fin ad hotels da quatter stailas. Reservai Vossa pernottaziun directamain sur la pagina-web da l’hotel e profitai da pretschs attractivs e pli grondas disponibladads.
Program accumpagnant a Cuira
Durant la FFT As spetgan sco program accumpagnant differentas visitas guidadas tras la pli veglia citad da la Svizra ed in program d’occurrenzas multifar. Las purschidas vegnan ad esser reservablas a partir da la fin dal 2025 / l’entschatta dal 2026 sur Cuira Turissem. As laschai gia oz inspirar sin www.churtourismus.ch da las purschidas da Cuira.
Contact
Datas dal conto
Verein Eidgenössisches Schützenfest 2026
7000 Chur
IBAN: CH61 0077 4010 4262 3380 0
Cordial engraziament a noss sponsurs da platin e dad aur.
ulteriurs sponsurs da partenaris, sponsurs da la festa e sponsurs da serias
