Capacitads actualas dals stans da tir
Gia passa 27 000 tiraduras e tiradurs èn s’annunzia:das per la FFT2026, quai è in dumber allegraivel. Quai vul però dir che blers stans da tir, en spezial per las disciplinas G300 e P25, han bunamain naginas capacitads libras pli durant las fins d’emna (venderdi, sonda e dumengia).
La cumissiun directiva da la Festa federala da tir 2026 Cuira | Grischun (FFT2026) ha analisà cuntinuadamain la situaziun e decidì il suandant:
- Per P25 han ins avert a Walenstadt ina plazza da tir da reserva durant 6 dis.
(La plazza da tir da reserva P25 a Walenstadt n’è betg enumerada sut «Plazzas da tir» sin nossa pagina-web.)
A partir d’immediat pon ins reservar là rangaders P25 sin totalmain trais chars per ils suandants dis:
sonda, ils 13 da zercladur 2026
dumengia, ils 14 da zercladur 2026
venderdi, ils 19 da zercladur 2026
sonda, ils 20 da zercladur 2026
dumengia, ils 21 da zercladur 2026
venderdi, ils 26 da zercladur 2026
Vus pudais era spustar da tut temp rangaders P25 gia reservads fin il di avant il tir effectiv.
- Auter che per P25 n’èsi betg stà pussaivel da stgaffir ulteriuras capacitads. Uschia ston, cunzunt per G300, vegnir nizzegiads ils rangaders libers durant lavurdis (mardi e gievgia). Per las ulteriuras disciplinas datti anc blers dis cun temps da tir libers.
P.pl. s’infurmar online sin anmeldung.schuetzenportal.ch/Rangeur davart la disponibilitad da rangaders libers. Il stadi actual da las reservaziuns vegn publitgà cuntinuadamain online.